នាយករដ្ឋមន្ត្រី ថាឆ្នាំនេះមិនគ្រាន់តែអង្គរសង្ក្រាន្តទេ តែសង្ក្រាន្តថ្នាក់ជាតិបានកើតឡើងទាំងអស់
សៀមរាប៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានបង្ហាញនូវការពេញចិត្តចំពោះការរៀបចំសង្ក្រាន្តទូទាំងប្រទេសដោយថាជាភាពជោគជ័យរបស់រដ្ឋាភិបាល និងសហភាពសហព័ន្ធយុវជនកម្ពុជា។ សម្ដេចបានលើកឡើងថា ផ្ដើមចេញពីអង្គរសង្ក្រាន្តឆ្នាំ២០១៣ ពេលនេះពាក្យថាសង្ក្រាន្តត្រូវបានប្រើប្រាស់ទូលំទូលាយ និងរៀបចំឡើងពេញផ្ទៃប្រទេស។
ថ្លែងក្នុងពិធីបើកអង្គរសង្ក្រាន្តព្រឹកថ្ងៃទី១៤ ខែមេសា ឆ្នាំ២០២៣ នៅប្រាសាទបាយ័ន ខេត្តសៀមរាប សម្ដេចតេជោ ហ៊ុន សែន បានលើកឡើងថា៖ «ប្រជាជនពិតជាមានការសប្បាយរីករាយជាមួយនឹងអ្វីដែលកំពុងកើតមាន»។
សម្ដេចគិតថា អ្វីដែលអាចធ្វើបានគឺមានការរៀបចំប្រុងប្រៀបគ្រប់ទីកន្លែង ដែលសម្ដេចសង្ឃឹមថាអាជ្ញាធរគ្រប់ទីកន្លែងនឹងថែរក្សាសុវត្ថិភាពជូនប្រជាជនសប្បាយក្នុងឱកាសនៃការចូលឆ្នាំ៕
